Nderim Mustafa president i ri i KV Drita në konkurrencën e meshkujve

Gjilan – Në një ambient madhështor e festiv, në praninë e volejbollistëve e volejbollisteve të KV Drita, janë përzgjedhur strukturat e reja udhëheqëse në KV Drita në konkurrencën e meshkujve. Si gjithmonë pa ndihmën e diasporës vështirë do të ishte të mbijetonte sporti i Kosovës, e këtë e dëshmoi edhe afaristi i suksesshëm nga Zvicra, Nderim Mustafa, i cili është një simpatizues i flakti sportit e në veçanti atij të volejbollit.

Afaristi Nderim Mustafa është zgjedhur president i KV Drita, pozitën e drejtorit ekzekutiv i është besuar Besnik Veselit, ndërsa si trajner do të jetë prijë Idriz Berisha.

Kryetari i ri i KV Drita, Nderim Mustafa ka bërë të ditur se diçka e madhe do të vjen në KV Drita. “Kam vendosur që t’ju prijë këtyre volejbollistëve të shkëlqyeshëm. Skuadrën do ta drejtojmë drejt sukseseve edhe më të mëdha, kjo ditë dhe ky moment është një ditë e veçantë për volejbollin e Dritës pasiqë objektivat tona në të ardhmen janë të mëdha, nga sfidat që do ti kemi në të ardhmen shpresoj se do të dalim faqebardhë”./rajonipress/