Nderim i veçantë për tifozin e Dritës, Ardit Kasapin

Gjilan – Në derbin Gjilani-Drita, para fillimit të ndeshjes dy skuadrat kanë vënë lule tek fotoja e tifozit të “Intelektualëve”, Ardit Kasapit, e cila ishte vendosur në stadiumin e qytetit.

Ky gjest i madh i skuadrës së Dritës në shenjë të përkujtimit për tifozin e tyre, ka bërë shumë tifoz të Dritës ta përkujtojnë me lot në sy.

E veçanta dhe më madhështorja në praninë e 5000 shikuesve ishte kur tifozët e Gjilanit, “Skifterat”, kanë thirrur emrin e Ardit Kasapit, gjest i cili u përshëndet me duartrokitje.

Gjestin madhështor të tifozëve “Skifterave”, e kanë përshëndet edhe vet qytetarët e Gjilanit, dhe për këtë arsye derbi në mes Gjilanit dhe Dritës është madhështor dhe përshkruan mesazhe sportive që duhet ta kenë lakmi edhe shumë klube tjera./rajonipress/