Ndër gratë e shquara shqiptare, edhe Nexhmije Pagarusha

Tiranë – Kuvendi i Shqipërisë ka nderuar sot gratë e shquara shqiptare. Me rastin e 100 vjetorit të Pavarësisë, kryetarja e Kuvendit, Jozefina Topalli u ka dhuruar Botimin e Kuvendit të Shqipërisë, Dokumentet e Themelimit të Shtetit Shqiptar.

Topalli vlerësoi shumë rolin dhe sakrificën e gruas shqiptare në këto 100 vjet, duke u shprehur se sot nderohet gruaja shqiptare, nderohet brishtësia, delikates dhe dinjiteti i saj.

“Le të shërbejë ky moment, kjo sallë, kjo pjesëmarrje si një fillimi i një procesi tenderimi, i asaj që jemi, dhe jo të asaj që s’kemi qenë kurrë dhe jo rrallë na e kanë imponuar si model”, tha Topalli.

Më tej ajo shtoi se, është detyrë historike dhe njerëzore të rigjejmë rrënjët duke rrëmuar në ato skuta që pa arsye i kemi lënë në hije.

Tefta Tashko Koço, Nexhmije Pagarusha, Marije Kraja, Drita Pelingu, Tinka Kurti, Margarita Xhepa dhe shumë gra të tjera u nderuan sot nga Kuvendi i Shqipërisë.