“Nder dhe krenari”, Duka uron Kristjan Asllanin për titullin e fituar me Interin
RajoniPress
07:18, 23 Prill, 2024
| 1 javë më parë
Interi siguroi sonte titullin e 20-të të kampionit në histori të klubit.
Skuadra e drejtuar nga Simone Inzaghi triumfoi 1:2 në derbin ndaj rivalit lokal, Milanit, për të siguruar edhe matematikisht titullin e kampionit për sezonin 2023/24, shkruan Gazeta Express.
Pjesë e “Nerazzurrëve” është mesfushori shqiptar, Kristjan Asllani, të cilit një urim të veçantë ia bëri presidenti i Federatës Shqiptare të Futbollit (FSHF), Armand Duka.
“Nder dhe krenari të shohim një lojtar të Kombëtares shqiptare të shpallet kampion në Serie A. Urime titullin kampion Kristjan Asllani!”, shkroi Duka.
/Gazeta Express/
