Ndarja ekonomike e veriut

Veriu i Kosovës i ka të gjitha elementet e nevojshëm për të qenë i pavarur ekonomikisht nga Qeveria e Kosovës. Njohësit e ekonomisë, po shqetësohen se në bisedimet Kosovës – Serbi, nëse kësaj pjese të vendit i mbeten si njësi të pavarura gjiganti metalurgjik Trepça, Ujmani, Energjetika, Telekomunikacioni dhe Fondi për Veriun, atëherë veriu do të behët një shtet në vete.

Drejtori i Qendrës për Hulumtime Strategjike dhe Sociale, Ibrahim Rexhepi vlerëson se negociatat mes Kosovës dhe Serbisë nuk po zhvillohen në drejtim të gjetjes së zgjidhjeve, por drejt shkëputjes, apo, siç thotë ai në këtë fazë, drejt krijimit të një autonomie për serbët, e cilat sipas Rexhepit do të funksiononte në bazë të modelit “shtet n’shtet” (Tribuna).