Ndalohet transport ilegal i 13 qengjave në Gjilan

Gjilan – Policia e Kosovës ka ndaluar një automjet në fshatin Pogragjë të Gjilanit, ku janë gjetur 13 qengja që transportoheshin pa dokumente përcjellëse.

Ngjarja ka ndodhur më 24 maj 2026 rreth orës 05:55, ndërsa automjeti drejtohej nga një i dyshuar mashkull kosovar.

Për rastin është njoftuar prokurori kompetent, i cili ka bërë cilësimin juridik të veprës. Me urdhër të tij, i dyshuari është intervistuar dhe më pas është liruar në procedurë të rregullt.

Procedurat e mëtejme lidhur me çështjen e kafshëve do të trajtohen nga Agjencia e Ushqimit dhe Veterinarisë (AUV)./rajonipress/