Ndalohet kamioni me dy kuaj pa dokumentacion në Kllokot, iniciohet rast për transport ilegal të kafshëve

Viti – Policia e Kosovës ka ndaluar një kamion në Kllokot, nën dyshimin për transport ilegal të kafshëve.

Sipas informacionit zyrtar, ngjarja ka ndodhur më 23 maj 2026, rreth orës 11:40, kur zyrtarët policorë kanë ndaluar për kontroll një kamion që drejtohej nga një i dyshuar mashkull kosovar.

Gjatë kontrollit të automjetit, policia ka konstatuar se në rimorkio ndodheshin dy kuaj, për të cilët drejtuesi i kamionit nuk posedonte dokumentacionin përkatës.

Me vendim të prokurorit, i dyshuari është intervistuar, ndërsa rasti është proceduar në procedurë të rregullt për veprën që lidhet me transportin ilegal të kafshëve./rajonipress/