Ndalimi i zyrtarëve policorë, Rohde i kërkon Serbisë të shtensionojë situatën menjëherë

Ambasadori i Gjermanisë në Kosovë, Jorn Rohde ka reaguar pas ndalimit të zyrtarëve policorë të Kosovës nga autoritetet serbe.

Rohde përmes një postimi në platformën X ka shkruar se ndalimi i policëve të Kosovës është i papranueshëm dhe tha se kjo duhet të përfundojë menjëherë.

“De-përshkallëzimi tani! Ndalimi i zyrtarëve të Kosovës të zbatimit të ligjit, përfshirë serbët, nga autoritetet e Serbisë është i papranueshëm dhe sigurisht jo ajo që mund të pritet nga një vend kandidat në BE. Kjo duhet të përfundojë menjëherë dhe ne presim që edhe politikanët serbë të flasin për bashkëqytetarët e tyre”, thuhet në postim.