Me vendimin e Qeverisë së Kosovës për kthimin e pronave shoqërore në menaxhim të komunave veriore 74 asete shoqërore kanë mbetur pa u privatizuar në veri të vendit, ndërkaq vendimi i Qeverisë që 30 komunave të Kosovës t’u barten pronat në menaxhim nga AKP-ja nuk është zbatuar pasi presidenti Thaçi e ka dërguar vendimin në Kushtetuese. Serbia privatizon “Kosmet Prevoz”-in (“Kosovatransin”) në veri, shkruan sot gazeta Zëri.
Vendimi i Qeverisë së Kosovës që të gjitha pronat shoqërore të cilat menaxhohen nga AKP-ja t’u kthehen komunave veriore, si dhe vendimi që 30 komunave të Kosovës t’u barten pronat në menaxhim nga AKP-ja me qëllim të realizimit të interesit publik është duke u zbatuar vetëm në veri të Kosovës. Me këtë vendim 74 asete shoqërore janë tërhequr nga privatizimi dhe ato kanë mbetur pa u privatizuar, ndonëse edhe privatizimi i disa prej tyre është shoqëruar me vështirësi të mëdha.
