Ndahet nga jeta Zeqirja Fazliu

Të dielen e 15 prillit, në moshën 78 vjeçare, ndahet nga jeta prof .Zeqirja Fazliu, varrimi i të cilit bëhet sot, me namazin e Ikindisë në Preshevë.

Profesori i ndjerë ka qenë në pension ndërsa ka punuar si profesor i lëndës së biologiisë në Gjimnazin “Skënderbeu” në Preshevë.

Fazliu ka qenë dhe kryetar nderi i Partisë Demokratike Shqiptare në Preshevë.

Lidhur me vdekjen e prof. Zeqës, ish nxënësi i tij, shkrimtari Mexhit Mehmeti, shkruan: “Posa mora lajmin e hidhur për ikjen në amshim të bashkëvendësit, mikut e ish profesorit tim Zeqirja J. Fazliu ngaZhunica e Preshevës. I ndjeri ishte profesor i biologjisë dhe drejtor në Gjimnazin “SKËNDERBEU” si dhe ish kryetar i PDSH – së në Kosovën Lindore. Vdekja e tij është humbje tepër e madhe për shqiptarët e asaj pjese të trungut shqiptar. Ngushëllime familjes, bashkveprimtarëve dhe të gjithë atyre që e njohin. Shpirti i tij u prehtë në paqe”.

Redaksia e Portalit “Jetapress”, i shpreh ngushëllime familjes Fazliu, miqtë dhe gjithë shqiptarët e Luginës dhe më gjerë/ Jetapress/