Ndahet nga jeta zemra e teatrit të Gjilanit Raif Haziri – Spira

Gjilan – Është ndarë nga jeta Raif Haziri punonjës i hershëm i teatrit të Gjilanit. Naser Zymberi e ka quajtur zemra e teatrit.

“Lajm i rënd, me tronditi shumë papritmas, paska vdekur Raifi (Spira). Shumë shpejt, pusho i qetë o zemra e teatrit “ ka shkruar aktori Naser Zymberi.

Edhe Bujar Haziri ish drejtor i kulturës dhe teatrit e ka quajtur lajm të trishto ndarjen nga jeta të Raif Hazirit. “Lajm i trisht për të gjithë ne. Pusho në paqe Raif i dashur, lamtumirë Spiro” ka shkruar Bujar Haziri.

Edhe Avni Shkodra e ka përkujtuar me një status emocionues Raif Hazirin

Mramë kishim shfaqje në Teatër.
Axha Raif m’ndihmoj, e rregulluam skenën, më tregoi që kemi publikë, rreth orës 19 u afrua me m’pyet nëse jam gati, për me m’thanë që po fillojmë.
Pas shfaqjes u takuam përsëri në zyrë te ai, e përmbyllëm shfaqjes e sot në mëngjes e mora lajmin për vdekjen e tij.
Rregullat e jetës shumë të trishta.
Ngushëllime publikut të teatrit, të cilin e priti me buzëqeshje.
Ngushëllime kolegëve të artit dramatik, të cilët nuk besoj që e kan përjetuar as edhe një fjalë të randë nga axha Raif.
Ngushëllime familjarëve, e veçanarisht djalit të tij Fuadit, i cili shpesh vinte e vjen në teatër.
Lamtumirë Raif Haziri, na lëndove shumë!/rajonipress/