Ndahet nga jeta pediatri i njohur dhe profesori Mehmedali Azemi

Gjilan – Në moshën 66 vjeçare ka ndërruar jetë profesori dhe pedagogu i njohur Mehmedali Azemi. Profesori Mehmedali Azemi ishte plotë energji pozitive, një kuadër i shkolluar dhe i dëshmuar në fushën e shkencës dhe dijes. I urtë, punëtor i palodhshëm dhe fjalëpakë ishin karakteristikat kryesore që e veçuan profesor Mehmedali Azemin.

Mehmedali Azemi padyshim ishte njëri nga profesorët më të dëshmuar në shkencë. Një kuadër me cilësi evropiane dhe me kulturë të lartë pedagogjike, profesor Mehemdali Azemi do të mbetet gjatë në kujtesën e studentëve dhe të kolegëve të Fakultetit të Mjekësisë ku edhe ka punuar një kohë të gjatë.

Pediatër me shumë vlera dhe me shumë përvojë ishte profesor Azemi. Ndryshe lajmin për vdekjen e Mehmedali Azemit e ka dhënë basketbollisti i Prishtinës, Edmond Azemi.

Varrimi i profesor Mehmedali Azemit do të behët nesër në varrezat e qytetit në Prishtinë. /rajonipress/