Ndahet nga jeta Mirzade Kqiku Dërmaku, familja dhe miqtë në pikëllim për humbjen e saj

Gjilan – Familja Kqiku dhe Dërmaku ka marrë sot një lajm të rëndë, pas ndarjes nga jeta të më të dashurës së tyre, Mirzade Kqiku Dërmaku.

Lajmin për vdekjen e saj e ka bërë të ditur vëllai, Adem Kqiku, i cili përmes një njoftimi mortor ka informuar familjarët, miqtë, shokët dhe farefisin për humbjen e parakohshme të motrës së tyre të dashur.

“Me pikëllim të thellë ju njoftojmë të gjithë familjarët, miqtë, shokët dhe farefisin se sot u nda nga ne më e dashura jonë, motra Mirzade Kqiku Dërmaku nga Gjilani”, thuhet në njoftimin e familjes.

Ndarja e saj nga jeta ka lënë dhimbje dhe boshllëk të madh te familjarët dhe të gjithë ata që e njohën, duke e kujtuar si një grua të respektuar, të dashur dhe të përkushtuar ndaj familjes dhe rrethit të saj shoqëror.

Ceremonia e varrimit do të zhvillohet sot, më 13 qershor 2026, pas faljes së ikindisë, në varrezat e fshatit Kosaqë të Gjilanit. Korteshi mortor do të niset nga shtëpia e të ndjerës në rrugën “Ukshin Hoti” në Gjilan.

Në këto çaste zie dhe dhimbjeje, familjes Kqiku dhe Dërmaku u shprehen ngushëllimet më të sinqerta për humbjen e të dashurës së tyre.

Qoftë i përjetshëm kujtimi për Mirzade Kqiku Dërmakun./rajonipress/