Ndahet nga jeta Hyseni Hyseni ish futbollist dhe trajner gjilanas

Gjilan – Ish futbollisti dhe trajneri i shumë brezave të futbollit gjilanas, Hyseni Hyseni pas një sëmundje të shkurtë ndërron jetë në moshën 73 vjeçare.

Hyseni i takon njërave ndër gjeneratave të para të futbollit gjilanas, ai pos që ishte futbollist me një karrierë të gjatë sportive ishte edhe trajner i shumë brezave të futbollit gjilanas duke nxjerr talent të futbollit të cilët më vonë edhe kishin krijuar emër në futbollin e Kosovës e më gjerë.

Ish futbollisti dhe trajneri Hyseni sot është varrosur në varrezat e qytetit, lamtumirën e fundit i dhanë shumë qytetar e sportist nga Anamorava e më gjerë./rajonipress/