Ndahet nga jeta Hamzi Isufi, njëri nga juristët e parë të Anamoravës dhe figurë kryqe e shumë proceseve politike në artikulimin politik të Pavarësisë së Kosovës

Gjilan – Hamzai ishte njëri ndër juristët e parë të Anamoravës, i cili si profesionist dha kontribut të çmueshëm në Kombinatin Bujqësor të Gjilanit ku punoi e punësoi punëtorë të shumtë sipas çelësit kombëtar. Ishte i kyçur në organizimin ilegal të kohës, i lidhur me patriotin Kadri Zeka. Pas pranverës së ’81-it u diferencua dhe u shkarkua nga puna. Filloi të punojë si avokat i pavarur me ç’rast shpëtoi shumë të pafajshëm nga persekutimi. Në Anamoravë ishte njëri ndër udhëheqësit që kontribuoi në shkëputjen e shqiptarëve nga Serbia. Bashkë me intelektualët e Gjilanit punoi në artikulimin politik të Pavarësisë së Kosovës. Duke qenë i ndjekur, i vëzhguar dhe i marrë në pyetje nëpër stacione policore, u detyrua të mërgojë në Evropë ku e vazhdoi mbështetjen e njerëzve në nevojë.

Njoftimi i plotë nga familja:
Familjarë, miq e dashamirë,
Me dhimbje të thellë ju njoftoj se, më 31 tetor, pas një sëmundjeje të shpejtë, ndërroi jetë vëllau
HAMZI SHEFKI ISUFI, djali i dytë i nënës Fatime, bashkëshorti i Dritës, babai i Edonit, Editës dhe Sazanit, vjehrri i Blertës dhe Jerinës, gjyshi i Jonit 9 vjeçar.

Hamzai ishte njëri ndër juristët e parë të Anamoravës, i cili si profesionist dha kontribut të çmueshëm në Kombinatin Bujqësor të Gjilanit ku punoi e punësoi punëtorë të shumtë sipas çelësit kombëtar.

Ishte i kyçur në organizimin ilegal të kohës, i lidhur me patriotin Kadri Zeka. Pas pranverës së ’81-it u diferencua dhe u shkarkua nga puna. Filloi të punojë si avokat i pavarur me ç’rast shpëtoi shumë të pafajshëm nga persekutimi. Në Anamoravë ishte njëri ndër udhëheqësit që kontribuoi në shkëputjen e shqiptarëve nga Serbia. Bashkë me intelektualët e Gjilanit punoi në artikulimin politik të Pavarësisë së Kosovës. Duke qenë i ndjekur, i vëzhguar dhe i marrë në pyetje nëpër stacione policore, u detyrua të mërgojë në Evropë ku e vazhdoi mbështetjen e njerëzve në nevojë.

Ishte kreu i familjes tonë dhe, si i tillë, priu në kulturën, edukimin dhe shkollimin e fëmijëve tanë, sot studentë dhe të diplomuar nëpër universitetet e Evropës.
Vëllau ynë, ishte i dashur, i çiltër e i ngrohtë, i afërt me njerëzit. Në biseda ishte i drejtpërdrejtë dhe gjithmonë i qeshur me një humor të lehtë e të këndshëm, i cili do të na mungojë.
Ishim të bekuar me ty vëlla, me praninë tënde dritëdhënëse në jetën tonë për çfarë të falemi gjithmonë.

Ike ashtu siç jetove, kurajoz dhe i përmbushur, me përqafimin e Jonit në çastet e fundit dhe i rrethuar nga më të dashurit e tu.
Qofsh dritë e parajsës, vëlla, e të qoftë i lehtë dheu i Kosovës!
PS
Për kohën dhe vendin e varrimit do të ju njoftojmë!