Ndahet nga jeta gazetarja gjilanase Albina Syla

Gjilan – Albina Syla ishte punëtore dhe gazetare e vyer e Radio Energjisë. Ky lajm e ka pikëlluar jo vetëm familjen e radion ku punojë por tërë komunitetin e gazetarëve gjilanas. Klubi i Gazetarëve “Beqir Musliu” i shpreh ngushëllimet më të sinqerta familjes dhe stafit të Radio Energjisë.

Në moshën 30 vjeçare ka ndërruar jetë të martën gazetarja Albina Syla. Asdren Agushi drejtor në Radio Energji tha për rajonipress se Albina ishte një punëtore e vyer , një kolege shumë e zonja për profesionin e saj. “Ky lajm na ka pikëlluar pa masë. E ndjera për shume vite ka qenë gazetare në Radio Energji – Gjilan. E kujtojmë si njeri shumë të mirë e me vlera të larta profesionale e familjare. Mungesën e saj padyshim që do ta ndjejmë gjithmonë” tha Agushi.

Sipas Agushit, varrimi i të ndjerës do të bëhet të mërkurën më 4 dhjetor 2013 në orën 12 (me drekë) në varrezat e fshatit Bresalc (mahalla e xhamisë)

Me këtë rast, Radio Energji ju shprehë ngushëllimet më të sinqerta familjes, miqve dhe dëgjuesve të Radios Energjisë.

Edhe Klubi i Gazetarëve “Beqir Musliu” ka ngushëlluar familjen Syla dhe Radio Energjinë.”Ndjehemi të trishtuar nga ky lajm kaq i papritur se tanimë nuk ndodhet mes nesh gazetarja Albina Syla. Dhimbja për këtë kolege është e madhe sepse komuniteti i gazetarëve ka humbur një personalitet shumë të çmuar në gazetari. Ajo ishte e zonja për këtë profesion, ishte e shkathët, e aftë dhe shumë komunikatave” thuhet në telegramin e Klubit të Gazetarëve “Beqir Musliu” të nënshkruar nga kryetari i saj Musa Sabedini.

Ngushëllime kanë shprehur edhe stafi i Agjencisë Rajonale të Lajmeve rajonipress/