Ndahet nga jeta edhe një veteran i arsimit përlepnicas, mësuesi Januz Xhemail Shabiu!

Mësuesi Januz, lindi në Përlepnicë më 12.05. 1949! Shkollën fillore e kreu në vendlindje, ndërsa shkollën e mesme normale e kreu në Gjilan! Për herë të parë, filloi punën si mësues në vitin 1972/1973 dhe atë në fshatin Stanishor të Gjilanit, ku në këtë fshat dhe Dragancë punoi gjerë në vitin 1979!

Në fshatit Dragancë edhe këtu për herë të parë, u hapen paralelet në mësim, të gjuhës shqipe! Ndërsa nga viti 1979 ,mësuesi Januz kalon të punojë në shkollën fillore,, Skënderbeu ” të Përlepnicës, gjegjësisht në paralelet e ndara në fshatin në Kmetoc!

Në Kmetoc mësuesi Januz punoi deri në vitin 1989,ku më pastaj kalon në shkollën amë në vendlindje Përlepnicë! Në shkollën fillore “Skënderbeu” punoi gjerë në pension në vitin 2014! Mësuesi Januz, ishte një person i qetë, i respektueshëm, nga rrethi ku punoj e jetoj! Mësuesi, la një familje të edukuar, dhe shumë të respektuar nga bashkëvendësit përlepnicas!

Mësuesi Januz, tërë jetën ia kushtoj arsimit ku i kaloi 41 vite më ditar në dorë! Prandaj, sot familja, miqtë, shokët e nxënësit e mësuesit, përlepnicasit kanë dhembje, por,jemi krenar me mësuesin Januz Xhemail Shabiun!

Lavdi, jetës e veprës së mësuesit, zoti ta ketë shpërblye me parajsë, familjes durimin dhe kujtimin e përjetshëm! Respekt!./nuhi nuhiu/rajonipress/