Ndahet nga jeta Bahri Goga, doajen i shëndetësisë kosovare dhe asaj ferizajase

Gjilan – Ferizaj është sot në zi, ferizajasit janë sot të pikëlluar për lamtumirën që na dha, i veçanti mjek i shëndetit mendor, drejtues institucional, themeltar e konsolidues i shërbimeve shëndetësore në Ferizaj, për merita të cilat, me nder e krenari Ferizaj e mban me dekoratën “Nderi i Qytetit” ka shkruar në telegramin e ngushëllimit Agim Aliu kryetar i Ferizajit. Ai ishte fisnik në profesionin e tij, shpirt human e solidar i pashoq, shëmbëlltyrë e përkushtimit profesional, kujtim e vepër kjo që do të mbetet e pashlyeshme ndër breza të ferizajasve.

Bahri Goga ky emër emblematik për shëndetësinë kosovare, ky emër po ashtu plotë humanizëm, vullnet, e shumë përgjegjësi për veprat e mira që ka lënë pas, është ndarë vetëm fizikisht sot nga kjo botë.

Bahri Goga u nda vetëm fizikisht nga kjo botë sepse për të dhe shëmbëlltyrën e tij do të flasin breza e breza.
Jetoj ndershmërisht me shumë motiv për të ndihmuar e përkrahur gjeneratat e reja. Një prind dhe kryefamiljar i mrekullueshëm, një mjek sa profesionist aq edhe human dhe ndër të parët në Kosovë në fushën e neuropsikiatrisë.

Për vdekjen e dr. Bahri Gogës ka shprehur ngushëllime edhe kreu i Ferizajit, Agim Aliu.

Telegram Ngushëllimi nga Agim Aliu:
Ky mëngjes, nisi me lajmin e kobshëm, se u nda nga jeta, mjeku nga plejada e parë e mjekëve ferizajas, bashkëqytetari ynë shembullor e kontribut plotë për shëndetësinë ferizajase, i rralli mes nesh, Dr. Bahri Goga.

Ferizaj është sot në zi, ferizajasit janë sot të pikëlluar për lamtumirën që na dha, i veçanti mjek i shëndetit mendor, drejtues institucional, themeltar e konsolidues i shërbimeve shëndetësore në Ferizaj, për merita të cilat, me nder e krenari Ferizaj e mban me dekoratën “Nderi i Qytetit”.

Ai ishte fisnik në profesionin e tij, shpirt human e solidar i pashoq, shëmbëlltyrë e përkushtimit profesional, kujtim e vepër kjo që do të mbetet e pashlyeshme ndër breza të ferizajasve.

Lamtumirë Dr. Bahri!
Lamtumirë bashkëqytetar i rrallë!
Ngushëllime të sinqerta familjes Goga, kolegëve të profesionit, miqve e të njohurve të të ndjerit.
Shpirti i tij u prehtë në paqen e parajsës së paskaj!, thuhet në Telegramin e ngushëllimit të kryetarit Aliu./rajonipress/