Ndahet nga jeta 18 vjeçari Shaban Sadriu

Gjilan – Shaban Sadriu i moshës 18 vjeçare është plagosur në pusi më 6 gushtë të këtij viti tek vendi i quajtur “varrezat e muhaxhirëve” në Sllubicë. Që nga ajo kohë Shaban Sadriu nuk ka pasur vetëdije dhe nuk ka mundur të jap asnjë detaj për ngjarjen tha për rajonipress njëri nga familjarët Hasan Sadriu.

Shaban Sadriu i moshës 18 vjeçare nga Sllubica e Gjilanit ka ndërruar jetë këtë të hënë rreth orës 2 të mëngjesit. Sadriu i moshës 18 vjeçare është plagosur në pusi më 6 gushtë të këtij viti tek vendi i quajtur “varrezat e muhaxhirëve” në Sllubicë. “Që nga ajo kohë Shaban Sadriu nuk ka pasur vetëdije dhe nuk ka mundur të jap asnjë detaj për ngjarjen” tha për rajonipress njëri nga familjarët Hasan Sadriu.

Shaban Sadriu ishte plagosur rëndë në një pusi në mbrëmjen e 6 gushtit 2012. Familjarët patën thënë se me askënd nuk kanë pasur probleme. Megjithatë , Hasan Sadriu tha për rajonipress se ndihet i zhgënjyer që hetimet në këtë rast kanë shkuar shumë ngadalë.

Ndryshe fshati Sllubicë ndodhet vetëm tre kilometra afër kufirit me Serbinë derisa në vendin e ngjarjes ishte parë një veturë me tabela të huaja, por ka qenë e pamundur të saktësohej ajo tha Sadriu.

Shaban Sadriu një kohë kishte qëndruar në gjendje kome në Qendrën Klinike dhe Universitare të Kosovës (QKUK). Pastaj familjarët e kishin dërguar për tretman në Shqipëri, por në mungesë të mjeteve financiare ishte kthyer sërish në Gjilan. /rajonipress/