Natë e rëndësishme sot për Besnik Hasin

Besnik Hasi e ka titullin në duar. Trajneri i Anderlecht do ta ketë sot një nga ndeshje vendimtare të sezonit.

Hasi do ta drejtojë Anderlechtin në përballjen ndaj Gent që është përcaktuese për titull. Humbja e mbrëmshme e Club Brugge nga Genk i ka hapur rrugën Anderlechtit për të marrë primatin në play of-in e kampionatit belg.

Club Brugge ka 38 pikë, një më shumë se Anderlecht që ka një ndeshje më pak të cilën do ta zhvillojë sot në udhëtim te Gent.

Hasi me Anderlechtin është përballur këtë edicion me shumë kritika dhe në disa raste emri i tij është përmendur për shkarkimin e mundshëm nga posti i trajnerit./Indeksonline/