Gjilan – Me rastin e formimit të Grupit Joformal të Grave Deputete është zgjedhur kryetarja e këtij grupi Ana Naskoviq e cila ka hapur dhe udhëhequr seancën solemne. Ky grup i grave do të angazhohet për pjesëmarrje aktive të Grave Delegate në marrjen e vendimeve dhe avancimin e të drejtave të grave, ka thënë Naskoviq dhe ka shtuar se ka pasur nderin e madh që është zgjedhur për këtë pozitë.
Në komunën e Ranillugut me përkrahje të projektit të USAID/DEMI-it, është formuar Grupi jo formal i Grave Delegate të Kuvendit të Komunës së Ranillugut.
Në përurimin e këti grupi të grave me përfaqësueset e Grave Delegate të Komunës së Ranillugut, kanë marrë pjesë edhe kryetari i komunës Gradimir Mikiq, kryesuesi i Kuvendit Vladica Aritonoviq, drejtori i projektit USAID/DEMI, Ginka Kapitanova, kryesuesja e Kuvendit të Komunës së Novo Bërdës , Shefkije Mehmeti, dhe përfaqësuesit e OJQ-re, media dhe OSBE-ja.
Ana Naskoviq e cila ka hapur dhe udhëhequr seancën Solemne ka thënë se ky grup i grave do të angazhohet për pjesëmarrje aktive të Grave Delegate në marrjen e vendimeve dhe avancimin e të drejtave të grave, duke shtuar se ka pasur nderin e madh që është zgjedhur për këtë pozitë.
Drejtoresha e projektit të USAID/DEMI-it, Ginka Kapitanova gjithashtu ka shprehur kënaqësinë që gjendet në komunën e Ranillugut. “Gratë duhet të kenë rol më të madh në çështjen e marrjes së vendimeve, kurse formimi i këtij grupi është njëri nga hapat e parë edhe shumë të rëndësishëm për arritjen e këtij qëllimi. Komuna e Ranillugut është një komunë që aktivisht merret me çështjen e grave, ky është njëri nga treguesit”, ka shtuar Kapitanova.
Kryetari i Komunës Mikiq ka thënë se formimi i Grupit të Grave Deputete është një hap i qëlluar, sepse me këtë do të inkurajoj grat për pjesëmarrje më aktive në procesin e vendimmarrjes, të cilën ua garanton ligji. Mikiq i ka lutur anëtaret e grupit që të jenë më aktive në punën e tyre, kurse komuna do të ju ofroj çdo ndihmë të mundshme atyre./rajonipress/
