Naser Morina boton librin e tij të parë “Mekanika I (Statika)”

Inxhinieri i diplomuar i ndërtimtarisë Profesor Naser Morina nga Gjilani pak muaj pas doktoraturës së tij në Universitetin e Sarajevës, ka botuar librin e tij të parë i cili ne të madhe ju ka munguar nxënësve dhe studentëve të drejtimit të Ndërtimtarisë dhe Arkitekturës.

Inxhinieri i ndërtimtarisë Naser Morina është mjaft i lumtur që ky libër ka dal në dritë duke ditur rëndësinë që ka për nxënësit dhe studentët nga Kosova.
“Libri “Mekanika I (Statika)” ka gjithsej 300 faqe me 16 tema dhe mbi 50 njësi mësimore ku përpos ligjëratave janë zgjedhur shumë detyra prej nivelit fillestar për nxënësit dhe studentët e drejtimit të Ndërtimtarisë dhe Arkitekturës”.

Prof.Dr.Sc. Naser Morina, inxhinier i diplomuar i ndërtimtarisë ka falënderuar të gjithë ata që i mundësuan shtypjen e këtij libri vulimunoz.
“Kisha për ta falënderuar nga zemra konzorciumin “Lumberta-Glebe”, për vlerësimin e këtij libri dhe që mundësuan shtypjen e këtij libri i cili do të shpërndahet në tërë botën në formë elektronike dhe të shtypur”.

Inxhinieri i ndërtimtarisë, Naser Morina, ka theksuar se me tërë qenien e tij do të mundohet që sa më parë të boton edhe libra tjerë pasiqë nxënësit dhe studentët nga Kosova kanë shumë nevojë për literatura të tilla./rajonipress/