Naser Ajeti anëtar i KE në FFK uron për derbin dhe klubet e Anamoravës

Anëtari i Komitetit Ekzekutiv për rajonin e Anamoravës në Federatën Futbollistike të Kosovës, Naser Ajeti, i ka uruar fillimin e stinorit pranveror të gjitha skuadrave nga Anamorava, po ashtu ka uruar që derbi i Anamoravës të jetë gjithçka në frymën sportive.

Stinorin pranveror në Superligën e Kosovës, do ta hap derbi i mirënjohur nga qyteti i Gjilanit, në mes Dritës e Gjilanit, për këtë derbi Ajeti ka një porosi të veçantë për akterët e derbit.
“Qyteti i Gjilanit dhe futbolli i Kosovës mburret me këtë derbi, uroj që të ketë futboll cilësor e mbi të gjitha edukatë sportive, uroj që shikuesit e posaçërisht tifozët “Intelektualët” e “Skifterat”, edhe njëherë të dëshmojnë kulturë të lartë sportive duke i përkrahur futbollistët e skuadrave të tyre, vetëm në këtë mënyrë do të dëshmojmë se i përkasim futbollit Evropian dhe për këtë UEFA e FIFA po e monitoron gjdo veprim tonin”.

Naser Ajeti i ka uruar të gjitha skuadrat nga Anamorava të cilat marrin pjesë në Ligat e tyre.
“Uroj shumë suksese për të gjitha skuadrat nga Anamorava, të cilat përfaqësojnë vendin e tyre në Ligat e ndryshme në futbollin e Kosovës, që në këtë pranverë të arrijnë rezultate edhe më të mëdha, duke dëshmuar se futbolli i Anamoravës çdo ditë e më shumë po tregon cilësi si në organizimin e ndeshjeve gjithashtu edhe në paraqitjet e tyre ne fushën e blertë të futbollit”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).