Uji Dea

Napoli e njofton ndeshjen e sontme me fotografinë e Amir Rrahmanit

/ 1 minutë lexim

Napoli e zhvillon një ndeshje tejet të rëndësishme sonte në kuadër të javës së 36-të në Serie A.

Me fillim nga ora 20:45 Napoli do ta presë Udinesen. Ekipi i Gattusos e kërkon me ngulm fitoren për të vazhduar garën për një vend që dërgon në Ligën e Kampionëve edicionin e ardhshëm.

Njoftimin për ndeshje, Napoli e bëri në Twitter duke ia bashkuar fotografinë e kapitenit të Kosovës, Amir Rrahmanit, shkruan Gazeta Express.

Fidanishtja

Amir Rrahmani ka shansin të luajë më shumë te Napoli. Pas dëmtimit të senegalezit Kalidou Koulibaly, Nikola Maksimovic është testuar pozitiv për COVID-19.

Kështu, Gattuso është i “detyruar” t’i besojë qendërmbrojtësit kosovar në ndeshjet e fundit dhe më të rëndësishmet e sezonit.

Amir Rrahmani pritet të startojë sonte në qendër të mbrojtjes për Napolin. /Gazeta Express/