Nallbani: Diploma e Akademisë, sot si bizhuteri për veshjen

Këngëtarja e njohur e skenës shqiptare, e cila u prezantua vetëm para disa kohësh në festivalin “Kënga magjike” duket se ka dhe jo pak pakënaqësi.

Këngëtarja Manjola Nallbani përmes një statusi të postuar në Facebook, shpreh pakënaqësi ndaj atyre emrave që sipas saj diploma e Akademisë së Arteve duket se u shërben si bizhuteri.

“Një përshëndetje nga unë paraprakisht për festat e fundvitit! Kam lexuar nëpër gazeta fjalë të vëna në gojën time, megjithëse nuk kam bërë asnjë koment në shtyp për festivalin. Falënderoj të gjithë ata artistë në konkurrim që e kanë votuar me pikë maksimale këngën dhe nuk ishin të pakët. Në të njëjtën kohë, ky konkurrim me këtë natyrë kënge më konfirmoi dhe se disave prej atyre artistëve, diploma e Akademisë së Arteve, për fat të keq u duhet vetëm për ta përmendur si medalje apo si bizhuteri kur u shkon me veshjen! Një përqafim për të gjithë ju”, shkruan në Facebook këngëtarja e njohur./KultPlus.com