Naim Tërnava viziton kompaninë “Globi – M.i” në Gjilan, ofron mbështetje për bizneset që sigurojnë mirëqenie

Gjilan – Kreu i BIK-ut, Naim Tërnava ka vizituar kompaninë gjilanase “Globi – M.i”, ku është shprehur i kënaqur me atë që ka parë në këtë kompani dhe ka thënë se do t`i përkrah të gjitha ato kompani që sigurojnë mirëqenie për familje të shumta me nevojë.

Naim Tërnava kreu i BIK-ut i shoqëruar edhe nga Naim Aliu kanë vizituar kompaninë gjilanase “Globi – M.i” në Gjilan ku nga afër kanë parë kualitetin dhe punët e mira që ofron kjo kompani.

Naim Tërnava sipas drejtorit të kësaj kompanie Nexhat Haziri është ndarë i kënaqur me kualitetin e kësaj kompanie dhe njëkohësisht ka premtuar përkrahje dhe mbështetje për të gjithë ata biznesmen dhe biznese që sigurojnë mirëqenie për familje të shumta në nevojë.

Ndryshe kompania “Globi – M.i” ka rregulluar dhe ndërtuar sheshin në qendër të qytetit dhe njihet për kontributin e saj në ndihmë familjeve skamnore./rajonipress/