Naim Tërnava pritet të vendos për rastin e kreut të BIK në Gjilan

Gjilan – Mustafë Bajrami kryetar aktual i Bashkësisë Islame në Gjilan tha për rajonipres se ka pasur kohëve të fundit pakënaqësi rreth punës sime dhe është kërkuar që unë të zëvendësohem. Unë jam pajtuar dhe tash i mbetet Naim Tërnavës të vendos për emrin e ri të BIK-ut.

Kanë mjaftuar disa pakënaqësi nga ana e anëtareve të Këshillit të Bashkësisë Islame në Gjilan për të kërkuar shkarkimin ose largimin nga detyra të kryetarit të ri të BIK-ut aktual Mustafë Bajramit.

Mustafë Bajrami tha për rajonipress se ai ende është kryetar derisa të zëvendësohet me dikë tjetër. Bajrami tha se deri tek Naim Tërnava ka shkuar një letër e anëtarëve të këshillit të BIK në Gjilan të cilët me gjasë nuk janë pajtuar me punën time dhe unë e kam pranuar këtë kërkesë të tyre, por me të vetmin qëllim që të tejkalohen mos marrëveshjet që ata mendojnë se ka pasur në BIK.

Bajrami tha se ardhja e tij në krye të BIK në Gjilan ka sjellur freski dhe punë angazhuese dhe ka punuar me përkushtimin më të madh që të jetë në shërbim të njerëzve fetar e besimtarë.

Sipas burimeve të rajonipress pozitën e Bajramit pritet të marrë Sylejman Osmani./rajonipress/