Nagip Arifi uron Edi Ramën, kërkon nga ai angazhim për shqiptarët e Luginës

Bujanoc – Urojë që angazhimi i Qeverisë suaj të vazhdojë për të gjithë shqiptarët jashtë Republikës së Shqipërisë me theks të veçantë për shqiptarët e Luginës së Preshevës të cilët ende mbeten pakica më e diskriminuar në këtë pjesë të Ballkanit Perëndimor. Një Shqipëri me stabilitet politik dhe zhvillim të qëndrueshëm ekonomik do të ishte një faktor sigurie edhe për shqiptarët jashtë Republikës së Shqipërisë thuhet në urimin e Nagip Arifit dërguar Edi Ramës.

Letra e plotë

I dashur kryeministër Rama

Kam privilegjin që në emër timin dhe të qytetareve të komunës së Bujanocit të ju uroj për fitoren e madhe në zgjedhjet parlamentare të 25 prillit, duke ridëshmuar për të tretën herë se politika që udhëheqni është e duhura për vendin dhe qytetarët shqiptarë.

Kemi përcjellur me kujdes gjithë procesin zgjedhor dhe lirisht mund të them se përveç Partisë Socialiste që triumfoi në këto zgjedhje, gjithashtu fituan edhe shqiptarët dhe Shqipëria.

Urojë që angazhimi i Qeverisë suaj të vazhdojë për të gjithë shqiptarët jashtë Republikës së Shqipërisë me theks të veçantë për shqiptarët e Luginës së Preshevës të cilët ende mbeten pakica më e diskriminuar në këtë pjesë të Ballkanit Perëndimor. Një Shqipëri me stabilitet politik dhe zhvillim të qëndrueshëm ekonomik do të ishte një faktor sigurie edhe për shqiptarët jashtë Republikës së Shqipërisë.

Ju urojë punë të mbarë dhe realizim të qëllimeve për Shqipërinë dhe kombin shqiptar thuhet në letrën e Nagip Arifit./rajonipress/