Zhurma e madhe mediatike e ngritura rreth shpërndarjes së nje artikulli të gazetës franceze “Le Figaro”, në të cilin ishin përdorur karikaturat e Profetit Muhamed të revistës “Charlie Hebdo”, nuk ka lënë pa zgjuar edhe reagimin e Myftiut të Luginës së Preshevës, Nexhmedin ef, Saqipi, i cili njëherit është edhe zëvendës reis i Rijasetit të Bashkësisë Islame të Serbisë.
“Krahas betejës kundër përhapjes së virusit korona, po na shtohen edhe beteja të tjera siç është kjo e gazetës franceze “Le Figaro” e beteja të tjera me karakter ekzistencial, të cilat e kishin mangut luftën kundër karikaturave të revistës “Charlie Hebdo”, Në reagimin e Myftiut Saqipi thuhet se “tallja me figurat e shenjta, nuk është liri e shprehjes, përkundrazi një akt i turpshëm, cinik dhe skandaloz.
Ne me reagimet tona mos po ua shtojmë më shumë jetën këtyre dukurive negative, ndaj edhe duhet që të mos biem nën nivelin e tyre, duke i injoruar dhe përbuzur”, thotë në reagimin e tij Myftiu Saqipi, njofton Jetapress
