Myrto Uzuni dhe Granada po vazhdojnë me formën e lartë në La Liga 2.
Në ndeshjen e vlefshme për javën e 27-të, Granda shënoi fitore të pastër 2:0 kundër Tenerifes, shkruan Gazeta Express.
Të dy golat e fitores për vendasit u shënuan nga Myrto Uzuni, i cili tani numëron 17 gola në kategorinë e dytë të futbollit spanjoll.
Sulmuesi i Kombëtarës së Shqipërisë i prin listës së golashënuesve në La Liga 2.
27-vjeçari golat sonte i realizoi në minutat 5 dhe 82. Të dy golat e Uzunit ishin nga pika e penalltisë.
Granada pas kësaj fitore ka 47 pikë dhe renditet e dyta në tabelë.
Kujtojmë se në fund dy skuadrat e para në renditje e sigurojnë promovimin në La Liga. /Gazeta Express/
