Myftiu i Luginës, Nexhmedin Ef. Saqipi, në takim me Michael Davenport

Kryetari i Bashkësisë Islame për Preshevë, Bujanoc dhe Medvegjë, Myftiu Nexhmedin ef. Saqipi, në përbërje të Rijasetit të Bashkësisë Islame në Serbi, zhvilloi një takim, me karakter pune, me shefin e delegacionit të Bashkimit Evropian në Beograd, z. Michael Davenport.

Michael Davenport, gjatë takimit të përbashkët midis përfaqësuesve të lartë të Bashkësisë Islame të Serbisë dhe delegacionit të Bashkimit Evropian, u njoftua nga afër për zhvillimet fetare në vend dhe rajon, si dhe me një varg çështjesh të tjera me interes për shoqërinë tonë multinacionale dhe multikonfeksionale.

Në pritje solemne, me rastin e Ditës së Republikës së Turqisë, në hotelin Hyatt Regency, në Beograd, në shënimin e 93 vjetorit të shtetit turk, mori pjesë edhe Myftiu i Luginës, Nexhmedin ef. Saqipi, në kuadër të përfaqësuesve të lartë të Rijasetit të Bashkësisë Islame në Serbi, e shumë përfaqësues të tjerë në nivel ministrash, kryetarë komunash, kori diplomatik etj, njofton Agjencia e Lajmeve Kombëtare Tërnocipress.