Myftiu i Kosovës Naim ef Tërnava vizitoi Këshillin e Bashkësisë Islame në Gjilan

Gjilan – Myftiu i Republikës së Kosovës Naim ef Tërnava i shoqëruar nga kryeimami Sabri ef Bajgora dhe zv.Sekretari Rexhep ef Luma sot ka vizituar Këshillin e Bashkësisë Islame në Gjilan.

Kryetari i KBI në Gjilan, Naim ef. Aliu i shoqëruar nga administrata dhe anëtarët e KBI-së ka pritur dhe ka njoftuar myftiun Tërnava për ecurinë e aktiviteteve në Këshillin e Bashkësisë Islame në Gjilan e në veçanti për periudhën e pandemisë Covid 19 dhe masat të cilat ka ndërmarrë KBI në Gjilan në ruajtjen e shëndetit publik të cilat ishin edhe vendime të Kryesisë së Bashkësisë Islame të Kosovës.

Myftiu Tërnava falënderoi kryetarin Aliu për pritjen dhe njëherit falënderoi të gjithë punonjësit e Këshillit të Bashkësisë Islame për punën dhe angazhimin e tyre gjatë kësaj periudhe.

Ai ka falënderuar edhe xhematin e Gjilanit i cili ka përfillur vendimet Bashkësisë Islame të Kosovës në këtë periudhe e në veçanti për mirëkuptimin që kanë pasur në lidhje me mbylljen e xhamive gjatë muajit të Ramazanit, vendim i cili nuk ka qenë i lehtë, por i domosdoshëm kur është në pyetje interesi i përgjithshëm thuhet në njoftimin e Agim Hysenit./rajonipress/