Mustafi shënoi në kryendeshje

Një pikë për “Topçinjtë“ e siguroi shqiptari Shkodran Mustafi i cili në minutën e 53-të shënoi për shifrat 2:2, që ishte edhe rezultati përfundimtar i ndeshjes.

Kryendeshja e javës në Premierligë ndërmjet Arsenalit dhe Manchester Cityt ka përfunduar me barazimin 2:2, njofton zeri.info. Mysafirët kaluan herët në epërsi, kur Leoy Sane e mposhti portierin vendës David Ospina (5’).

Pesë minutat para përfundimit të pjesës së parë (40’), Theo Walcott e barazoi rezultatin në 1:1, por vetëm dy minuta më vonë mysafirët e rikthyen epërsinë me golin e argjentinasit Sergio Aguero (42’).

Një pikë për “Topçinjtë“ e siguroi shqiptari Shkodran Mustafi i cili në minutën e 53-të shënoi për shifrat 2:2, që ishte edhe rezultati përfundimtar i ndeshjes.

Për Arsenalin luajti edhe Granit Xhaka, i cili u ndëshkua me karton të verdhë. Pas këtij barazimi, Arsenali gjendet në pozitën e gjashtë me 51 pikë, ndërsa City i ka shtatë pikë më tepër dhe renditet në pozitën e katërt./Zëri/