Mustafi mund t’i bashkohet Arsenalit për 30 milionë euro

Arsenali ka rritur ofertën në 30 milionë euro dhe këtë shifër e ka pranuar Valencia që ka filluar të gjejë zëvendësuesin e saj.

Mbrojtësi shqiptar nga Gjermania Shkodran Mustafi pritet që shumë shpejt të kalojë në Arsenal. Tashmë mediat angleze dhe ato gjermane e quajnë të përfunduar marrëveshjen dhe është vetëm çështje kohësh kur do të zyrtarizohet, shkruan albinfo.ch.

Arsenali ka rritur ofertën në 30 milionë euro dhe këtë shifër e ka pranuar Valencia që ka filluar të gjejë zëvendësuesin e saj, derisa Arsenali është duke pritur me padurim mbrojtësin shqiptar, për shkak të lëndimeve të shumta që po përballet. Mustafi në Arsenal do të gjejë futbollistin tjetër shqiptar, Granit Xhaka, i cili u transferua nga Borussia Moenchengladbach.

Sipas agjentin të tij, Ali Bulut, marrëveshja është vetëm personale dhe tani kanë mbetur të bien në ujdi edhe klubet. “Shkodrani dhe Arsenali kanë rënë dakord për një marrëveshje. Ekipet duhet të bien dakord tani për çmimin”, deklaroi agjenti i mbrojtësit të Valencias.

Mustafi ka prejardhje nga Gostivari, derisa luan për Përfaqësuesen gjermane. Në Evropianin e fundit u kualifikuan deri në gjysmëfinale, kurse më 2014 fituan Kupën e Botës, duke u bërë futbollisti më i suksesshëm shqiptar.

http://www.albinfo.ch/mustafi-pajtohet-ti-bashkohet-arsenalit/