Mustafi ka statistika më të mira sesa mbrojtësi që po i kushton Unitedit 87 milion euro

Mbrojtësi i shumëkritikuar i Arsenalit, Shkodran Mustafi, mund të lavdërohet para lojtarit që pritet të transferohet së shpejti në Manchester United, Harry Maguire, kur vjen puna te statistikat e sezonit të kaluar.

“Djajtë e kuq” janë afër ta kompletojnë transferimin e mbrojtësit Harry Maguire nga Leicester City për 87 milionë euro, i cili me këtë shifër do të bëhet mbrojtësi më i shtrenjtë në histori të futbollit, transmeton Gazeta Express.

Mustafi 27-vjeçar mund të lavdërohet se ka pasur statistika më të mira sesa 26-vjeçari i Leicester Cityt gjatë sezonit të kaluar, 2018/19.

Sipas të përditshmes angleze, The Sun, edhe Mustafi e edhe Maguire i kanë luajtur nga 31 ndeshjeve sezonin e kaluar dhe skuadrat e tyre i pranuan nga 40 gola me ata të dy në formacion.

Përderisa në këto dy aspekte statistikat e tyre janë të barabarta, Mustafi e mposht qendërmbrojtësin anglez në disa aspekte të tjera. Mustafi i ka marrë kundërshtarëve topin, i ka fituar më shumë ndërhyrje dhe e ka larguar topin më shumë hera nga zona e rrezikut sesa Maguire.

Bllokime: Maguire, 18; Mustafi, 17

Vjedhjet e topit: Maguire, 37; Mustafi, 58

Ndërhyrjet: Maguire, 31; Mustafi, 62

Ndërhyrjet e fituara: Maguire, 17; Mustafi, 45

Përqindja e ndërhyjeve të fituara: Maguire, 55 per cent; Mustafi, 73 per cent

Largime të topit nga zona e rrezikut: Maguire, 152; Mustafi, 161

Fitore në duelet ajrore: Maguire, 118; Mustafi, 123

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).