Mustafa viziton marketet ETC, Interex dhe Viva Fresh

Gjilan – Kryetari i Komunës së Gjilanit së bashku me disa drejtor të drejtorive Komunale dhe me zyrtar të tjerë Komunal, ka vizituar marketet ETC, Interex dhe Viva fresh, ku nga afër është informuar me funksionimin e tyre.

Mustafa i shoqëruar edhe nga drejtorët e drejtorive komunale, është interesuar për funksionimin e qendrave tregtare, furnizimin e tyre, fluksin e qytetarëve, që shërbehen aty, çmimet e artikujve, fushatat e ndryshme lehtësuese që kanë marketet dhe me nivelin e blerjes së mallit.

Mustafa poashtu edhe gjatë bisedës me menaxherët e qendrave është interesuar edhe sa i përket bashkëpunimit me Komunën që kanë këto kompani, e që sipas tyre ai është një bashkëpunim, mes partnerëve, biznes – institucione, e që kanë përshëndetur lehtësirat e krijuara për biznesin në përgjithësi dhe kushtet tjera që janë shumë të mira nga ana e Komunës.

Gjithashtu kryetari është informuar edhe sa i përket fushatave të ndryshme që kanë këto markete gjatë vitit, e posaçërisht gjatë festave, ku një pjesë shumë e madhe e mallrave aty zbresin në lirim dhe krijohen lehtësira për blerësit, këto janë zakonisht gjatë festave të mëdha që ka Kosova, festave fetare, Fiter Bajram, Kurban Bajram, Ditës së Pavarësisë, festave të fundvitit etj.

Mustafa ka përcjell me vëmendje edhe organizimin e mallrave që bëhen brenda këtyre marketeve, e që sigurisht gjatë të ardhmes do të investohet në këtë natyrë edhe në tregun e gjelbër, ngase sot në këto markete gjenden të gjitha mallrat, si amvisëri, teknikë e bardhë, pemë dhe perime, tekstil, dhe shumë artikuj të tjerë të nevojshëm nëpër shtëpitë tona.

Edhe blerësit ishin të kënaqur me shërbimet që ofrohen në këto markete, por si zakonisht ata kërkojnë ene ulje të çmimeve për artikuj të ndryshëm./rajonipress/