Mustafa: Vepra e familjes Jashari – udhërrëfyes për shtetin e Kosovës

Kryeministri i Kosovës, Isa Mustafa bashkë me kabinetin qeveritar ka bërë homazhe në Kompleksin Memorial “Adem Jashari” në Prekaz, për të nderuar sakrificën e familjes Jashari për lirinë dhe pavarësinë e Kosovës.

Kryeministri Mustafa ka thënë se rënia e familjes Jashari dhe komandantit Adem Jashari ishte vepër madhështore dhe e pakrahasueshme për lirinë e Kosovës.

Me këtë rast, shefi i qeverisë ka thënë se vepra e familjes Jashari është udhërrëfyes për shtetin e Kosovës.

Vizitë në kompleksin Memorial “Adem Jashari” po bëjnë edhe personalitete tjera publike e shtetërore, si dhe shumë qytetar, në shenjë nderimi për veprën e familjes Jashari, e cila 17 vjet më parë u sulmua nga forcat okupuese policore e ushtarake të Serbisë.