Mustafa uron besimtarët myslimanë për festën e Fiter Bajramit

Gjilan – Me rastin e Fiter Bajramit, kryetari i Komunës së Gjilanit, Qemajl Mustafa ka uruar krerët e Bashkësisë Islame në Gjilan si dhe të gjithë besimtarët islamë, me lutjen që kjo festë të kalojë në harmoni dhe paqe mbarë njerëzore.

Festa e Fiter Bajramit, që vjen pas muajit të shenjtë të Ramazanit, simbolizon vlerat e njeriut besimtar, sakrificën, solidaritetin, humanitetin, drejtësinë e barazinë njerëzore, thuhet në urimin e kryetarit Mustafa.

Duke iu uruar shëndet dhe gëzime në familje të gjithë besimtarëve islamë, Mustafa i ka ftuar ata që si përherë të jenë solidarë dhe tolerantë ndërmjet vete dhe me të tjerët, sepse vlerat universale bazohen mbi diferencat dhe diversitetet etnike, fetare e kulturore./rajonipress/