Mustafa tregon qëndrimin përfundimtar të LDK-së për marrëveshjen me Serbinë

Kryetari i Lidhjes Demokratike të Kosovës, Isa Mustafa përmes një shkrimi ka përkujtuar edhe njëherë qëndrimin e partisë së tij lidhur me dialogun me Serbinë

Mustafa ka thënë se për shkak të siç ai i ka quajtur tendenca qëllimkëqia lidhur me qëndrimin e LDK-së për dialogun sa i përket kufijve, po shkëpus një pjesë të tekstit nga dokumenti, që pasqyron qendrimin e LDK-së.

“LDK-ja vlerëson se Marrëveshja Përfundimtare me Serbinë duhet të arrihet pa e cënuar në asnjë formë shtetësinë e Kosovës, të përcaktuar me Deklaratën e Pavarësisë të 17 shkurtit 2008, me Kushtetutën e Republikës së Kosovës dhe me Opinionin e Gjykatës Ndërkombëtare të Drejtësisë; pra kufijtë, integriteti territorial dhe karakteri unitar i shtetit nuk mund të jenë temë e dialogut”, ka shkruar Mustafa.

Tutje, Mustafa ka shkruar se “Këshilli i Përgjithshëm i Lidhjes Demokratike të Kosovës, në mbledhjen e mbajtur më 23 tetor 2018, dokumenti “ORIENTIMET BAZË TË LDK-së PËR DIALOGUN NDËRMJET REPUBLIKËS SË KOSOVËS DHE REPUBLIKËS SË SERBISË”, i publikuar ne faqen zyrtare të LDK-së).”

Ai ka thënë se çdo deklarim tjetër nuk përfaqëson qëndrim të LDK-së.