Mustafa: Tash Kosova mund të bëjë më shumë për Luginën

Kryetari i Komunës së Preshevës, Ragmi Mustafa, ka thënë se pas normalizimit të marrëdhënieve me Serbinë, Republika e Kosovës do të mundet të bëjë më shumë për shqiptarët e Luginës së Preshevës.

Ai ka thënë për gazetën “Epoka e Re”, se marrëveshja e arritur në Bruksel, mes dy kryeministrave, duhet të reflektojë edhe në Luginën e Preshevës.

Sipas tij, Kosova në Bruksel ka treguar vlera të larta të demokracisë dhe ka fituar imazh të mirë para bashkësisë ndërkombëtare.