Mustafa: Raporti i auditorit është pozitiv për Gjilanin

Gjilan – Qemajl Mustafa, kryetar i komunës së Gjilanit tha të premten se Raporti i Auditorit, si tërësi është pozitiv për komunën e Gjilanit, ndërsa kritikat e Vetëvendosjes i ka vlerësuar tendencioze, me të vetmin qëllim diskreditimin e pushtetin në Gjilan.

Mustafa ka mohuar se qëndrojnë pohimet e herëpashershme të opozitës se ajo me punën e saj dëshiron t’i rri kujdestare pozitës, për të korrigjuar e të ndikuar në përmirësimin e qeverisjes , por sipas tij, opozita e në këtë rast edhe Vetëvendosja qëllimin e kanë vetëm si të vijnë me çdo kusht në pushtet, duke “sulmuar”, me të vetmen arsye për ta diskredituar pushtetin sa më shumë që është e mundur.

Sipas Mustafës raporti i Auditorit si tërësi është pozitivë. Pranon se në të ka të evidentuara edhe një mori vërejtjesh, por se sipas tij nuk qëndrojnë pretendimet e opozitës për të cilën çdo gjë është zi.

Sipas tij Vetëvendosje i nxjerrë nga konteksti theksimet nga ky raport, vetëm gjërat negative për të krijuar një përshtypje të keqe ./rajonipress/