Gjilan – Qëllim i parë dhe kryesori mbetet qeverisja krejt ndryshe e fushës së arsimit dhe e komunës tonë e që është bërë nevojë urgjente e qytetarëve. Ata, përditë e më shumë po e shohin degradimin e komunës së tyre në të gjitha nivelet e edukimit parauniversitar, por edhe në të gjitha fushat tjera të qeverisjes ka shkruar Qemajl Mustafa.
Postimi i plotë
Sonte vazhduam në degë me konstituimin e komisionit profesional për arsim. Kryesues i komisionit me përkrahje të plotë u zgjodh Omer Daku, inxhinier i ndërtimit, me përvojë të gjatë në arsim dhe në planifikim hapësinor, ndërsa zëvendës i tij poashtu njëzëri u zgjodh Jetmir Jerliu, psikolog, zyrtar shumëvjeçar në drejtoratin e arsimit të komunës.
Ky komision ka për synim konstatimin e gjendjes aktuale në sektorin e edukimit në Gjilan, ka për detyrë poashtu që të komunikojë me publikun e gjërë të komunës për të gjitha aspektet në këtë fushë sikur që do ta bëjë poashtu edhe hartimin e një projekti të fuqishëm zgjedhor për arsim për zgjedhjet lokale 2021.
Komisioni mbetet i hapur edhe për dhjetëra profesionistë të tjerë të cilët do ta japin kontributin e tyre si përherë në degën e PDK.
Qëllim i parë dhe kryesori mbetet qeverisja krejt ndryshe e fushës së arsimit dhe e komunës tonë e që është bërë nevojë urgjente e qytetarëve. Ata, përditë e më shumë po e shohin degradimin e komunës së tyre në të gjitha nivelet e edukimit parauniversitar, por edhe në të gjitha fushat tjera të qeverisjes./rajonipress/
