Mustafa: Qeveria aktuale, po i trajton qytetarët si azilantë

Kryetari i Lidhjes Demokratike të Kosovës, Isa Mustafa, në një takim me anëtarësinë e kësaj partie në nëndegën e Bradashit të Podujevës, ka thënë se qytetarët e Kosovës, nga Qeveria aktuale, po trajtohen sikur të ishin azilantë.

“Qytetarët e Kosovës, nga Qeveria aktuale po trajtohen sikur të jenë azilantë, duke u ofruar ndihma në këtë kohë. Ata nuk kanë nevojë për ndihma, sepse ndihmat nuk janë zgjidhje. Qytetarëve të Kosovës iu duhet zhvillimi dhe krijimi i mundësive për të punuar dhe fituar”, ka thënë Mustafa.

Sipas tij, këtë mund të garantoj vetëm Lidhja Demokratike e Kosovës.

Ndërkaq, kryetari i Degës së LDK-së në Podujevë, Agim Veliu, ka shprehur bindjen se LDK do t’i fitojë zgjedhjet nacionale, kurse kryeministër i vendit do të jetë akademik Isa Mustafa. /Telegrafi/