Mustafa: Policia e Kosovës më e dalluara në rajon

Gjilan – Qemajl Mustafa i shoqëruar edhe nga Bujar Nevzati, Xhemajl Salihu e Riad Rashiti ka vizituar policinë e Gjilanit me rastin e ditës së policisë së Kosovës.

Mustafën në takim e ka pritur Elmina Mahmuti dhe Remzi Azemi nga komanda rajonale e policisë në Gjilan. Mustafa ka folur fjalë të mira për policinë e Gjilanit duke thënë se ajo ka treguar profesionalizëm, përgjegjësi të lartë, organizim i avancuar me standarde evropiane . “Policia e Kosovës është më e dalluara nga shtetet rajonale” ka thënë Mustafa.

“Komuna e Gjilanit ka bashkëpunim shumë të mirë me Policinë e Kosovës dhe në saje të këtij bashkëpunimi kemi mjaft të arritura në fushën e sigurisë, nënë mbajtjen e rendit dhe një ambient të qetë, ku kemi zvogëlim të vazhdueshëm të rasteve të veprave të ndryshme” ka thënë Mustafa

Mustafa ka thënë se gjatë këtyre 14 viteve mund të vlerësohet se njëra ndër sukseset më të mëdha të shtetit të Kosovës është krijimi, avancimi, ngritja profesionale dhe funksionimi i mirë i Policisë së Kosovës. Është krijuar besim i mirë ndaj punës së këtij institucioni ku vlerësimet të ndryshme pozitive bëhen për këtë institucion./rajonipress/