Mustafa: Po vazhdojmë me pasurimin profesional të PDK-së në Gjilan

Gjilan – Pas shërbimeve publike, shëndetësisë, agrokulturës dhe urbanizmit po vazhdojmë me arsimin dhe me komisionet tjera të domosdoshme për pasurimin profesional të degës ka thënë Qemajl Mustafa.

Dega e PDK-së po vazhdon konsolidimin e saj me komisionet profesionale. Qemajl Mustafa është shprehur optimist se në këto komisione po vendosen njerëzit e duhur dhe të aftë.

“Kemi vazhduar me themelimin e komisionit profesional për agrokulturë. Diskutuam për rolin dhe detyrat e profesionistëve tanë në fushën e agrokulturës. Me pajtim tē plotë të këshillit themelues (që sonte numëronte 6 veta prezentë) për kryesues u emërua Nehat Salihu, agronom. Detyrë e kryesuesit dhe e këshillit themelues është që këtë komision ta pasurojë me profesionistë dhe ndërmarrës nga fusha të ndryshme të bujqësisë, pylltarisë dhe zhvillimit rural. Suksese bashkë” ka shkruar Mustafa.

Ndërkohë dega e PDK-së ka mbajtur një takim konsultues për themelimin e komisionit profesional për urbanizëm, planifikim dhe mbrojtje të mjedisit. “Në ndërkohë e nisëm komunikimin për themelimin e komisionit për arsim. Pas shërbimeve publike, shëndetësisë, agrokulturës dhe urbanizmit po vazhdojmë me arsimin dhe me komisionet tjera të domosdoshme për pasurimin profesional të degës. Vazhdojmë bashkë me konsolidimin tonë të qëndrueshëm” ka thënë Mustafa./rajonipress/