Mustafa për Specialen: S’ka krizë votash, seanca u shty shkaku i Mogherinit

Kryeministri Isa Mustafa, ka thënë për RTK-në se rekomandimet e ardhura nga Bashkimi Evropian kanë shtyrë Kuvendin që të shtyjë seancën për votimin e Gjykatës Speciale.

Sipas tij, rekomandimet kanë ardhur të enjten në mbrëmje dhe se këto draftligje duhet të përkthehen dhe se marrin shumë kohë.

Sipas tij, këto rekomandime kanë ardhur nga përfaqësuesja e lartë e Bashkimit Evropian, Federica Mogherini.

Mustafa mohon se koalicioni ka krizë votash dhe ka paralajmëruar se javën që vjen do të ketë takim me shefat e të gjitha grupeve parlamentare.