Mustafa: PDK ka ekspert të fushave të ndryshme për të realizuar projekte zhvillimore për Gjilanin

Gjilan – Dega e PDK-së në Gjilan ka vazhduar aktivitetin e saj me formimin e komisioneve profesionale në urbanizëm, shëndetësi dhe agrokulturë e agrobiznes. Qemajl Mustafa ka thënë se Dega e PDK në Gjilan do t’u qëndrojë pranë me të gjitha resurset e saj ekspertëve të këtyre fushave.

Qemajl Mustafa që nga ardhja e tij pothuajse e ka filluar nga zeroja themelimin e të gjitha komisioneve në degën e PDK-së, të cilat për pesë vite ishin të pasivizuara nga aktivitetet e tyre.

Së fundit dega e PDK në Gjilan ka themeluar komisioni për arsim, për shëndetësi dhe për planifikim e urbanizëm dhe komisionet profesionale në agrokulturë e agrobiznes.

“Këto komisione po konsolidohen dhe është kënaqësi me i dëgjue idetë e profesionistëve për projektin zhvillimor në fushat e tyre. Dega e PDK në Gjilan do t’u qëndrojë pranë me të gjitha resurset e saj dhe jam i kënaqur që kemi ekspert të fushave të ndryshme të gatshëm për të realizuar projekte zhvillimore për Gjilanin” ka thënë Mustafa.

Mustafa gjithashtu i ka quajtur të rëndësishme edhe komisionet më të rëndësishme profesionale për agrokulturë dhe agrobiznes./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).