Mustafa: Partitë Popullore Evropiane mbështetësin Kosovën në rrugën integruese
Kryeministri Isa Mustafa është duke marrë pjesë në punimet e Kongresit të EPP-së në Maltë, kur po marrin pjesë edhe liderët e vendeve evropiane.Mustafa tha se në Maltë ka marrë mbështetje nga Evropa për rrugën e Kosovës drejt integrimeve evropiane.
Më poshtë është shkrimi i plotë i Mustafës:
Gjatë punimeve të sotme të Kongresit të EPP-së në Maltë, liderët e vendeve evropiane, të mekanizmave të BE-së si dhe të partive më të fuqishme të qendrës së djathtë nga të gjitha vendet evropiane, po vazhdojnë diskutimet për të ardhmen e Evropës.
Pata mundësinë të takohem me personalitete të rëndësishme, të cilët konfirmojnë përkrahjen e tyre të plotë për Kosovën dhe rrugën integruese evropiane të saj.
Është fat i madh për vendin në këtë fazë, që LDK është pjesë e Familjes më të madhe politike evropiane, roli i të cilës është vendimtar për të ardhmen e BE-së dhe proceset integruese.
Andaj, me kënaqësi mund të them se Partitë Popullore Evropiane, grupi më i madh politik në Bashkimin Evropian, po e përkrah fuqishëm rrugën integruese evropiane të Kosovës.