Mustafa nuk takohet me liderët e shtetit, flet me O’Connell dhe Apostolovën. Zbardhen pak detaje

Kryetari i LDK-së Isa Mustafa, sot është takuar me ambasadorin e Britanisë së Madhe në Kosovë Ruairí O’Connell dhe shefen e zyrës së BE-së në Kosovë, Nataliya Apostolova. Në këto dy takime të ndara u tha se u diskutua për ngjarjet e fundit politike në vend, konkretisht për dialogun me Serbinë, shkruan Gazeta Express.

Në njoftimet dërguar mediave, LDK tha se Mustafa ka diskutuar për dialogun Kosovë-Serbi, mirëpo nuk ka cekur nëse partia e tij do të përfshihet në bisedime.

“Duke e falënderuar për mbështetjen e pazëvendësueshme të Britanisë për Kosovën, kryetari Mustafa shprehu përkushtimin e LDK-së dhe të qytetarëve të vendit për të thelluar bashkëpunimin edhe më tutje”, tha njoftimi për takimin e ambasadori O’Connell me Mustafën

Po ashtu, Mustafa gjatë ditës së sotme është takuar me Përfaqësuesen e Posaçme të BE-së dhe Shefe e Zyrës së BE-së në Kosovë, Nataliya Apostolova.

“Gjatë takimit u diskutua për situatën aktuale politike në vend. znj. Apostolova falënderoi kryetarin Mustafa për mikpritjen dhe inkurajoi LDK-në të vazhdojë të ketë rol konstruktiv në zhvillimin e vazhdueshëm të Kosovës”, tha njoftimi për media.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).