Mustafa: Nuk mund të them se i sigurojë 28 votat e LDK-së për Qeverinë Kurti

Kryetari i Lidhjes Demokratike të Kosovës, Isa Mustafa ka thënë se i mbetet Lëvizjes Vetëvendosje që të pranojë propozimin e LDK-së, për bashkëqeverisje. Mirëpo nëse koalicioni LVV-LDK nuk arrihet, ai ka thënë se nuk garanton që 28 deputetët e LDK-së do ta votojnë Qeverinë Kurti.

Mustafa ka thënë se duhet të dihet se si do të qeverisë Kurti me pakicat.

“I qëndrojmë premtimit por jo me çdo kusht, duhet ta dimë se di do të qeverisë VV në qeverinë e pakicës. Nuk instruktojmë deputetët që t’i ngisin gishtat me çdo kusht. Sepse nuk i kanë ngritur as kur kam qenë unë kandidat për Kryeministër. Nuk mund të them se unë i sigurojë 28 vota për këtë, por jemi të vullnetit që të bëhet Qeveria”, ka pohuar Mustafa.

Ndryshe, të premten do të mblidhet kryesia e Kuvendit për të caktuar seancën parlamentare për votimin e Qeverisë. Mbledhja do të fillojë në ora 09:00./Telegrafi/